Annotations - ямаа: арчилгаа ихтэй

  1. Г.Эрдмаа. Хүүхдүүд ямаагаа малладаг. Би ач зээгээ хардаг. Баянхонгор аймаг, Баянговь сум. Interview by Ариунзаяа, n.d. http://zotero.org/groups/4737731/items/CQ6AE3ZZ.

    Тэд нар бас нарийн юм их шаардана. Хавар төллөх үеэр их маллагаа шаардана. Ишиг бол 10 хоногоос хойш л эхтэйгээ өөрөө нийлнэ. Тэгэхдээ манай ямаа бол өөрөө ирээд л ишгээ аваад явчихна.

  2. Маглоу, Алтан-Очир. Ямаа бэлчээрийн дайсан. Архангай аймаг, Ихтамир сум. Interview by С. Мөнх-очир, July 22, 2022. http://zotero.org/groups/4737731/items/TMD34HML.

    Ялгаатай. Ишгийг нь авахад л гэхэд цасан шуургатай байхад ишиглэвэл осгочихно, тэгээд сүүг нь тааруулж өгөхгүй бол чацга алдаж үхнэ. Маш их ажиллагаатай. Тэгээд хөлс хүч гаргаж маллаад өндийлгөхөд ноолуурын ашиг шимээ өгдөг л дөө. Тэрийг арвин мөнгө олох гэж ямааг өсгөсний хэрэг байхгүй гэж боддог. Одоо хонины ноос үнэтэй байсан бол хонь өснө шүү дээ. Хонины ноос нэг кг нь 10 мянга болоход л өснө. Одоо бол 500 хүрэхтэй үгүйтэй. Хонины нэхий 100 төгрөг хүрэхгүй болохоор зарим нь зүгээр шатааж байна шүү дээ. Өлөнг нь 1000аар авбал ав гэж байгаа юм. Монгол нэг бол дээшээ дэвжих байх эсвэл доошоо уруудах байх. Одоо таван цул идэх хүн олдохоо байлаа. Мал гаргаад цувдай, толгойгоо гаргаад хаячихна. Тэрүүгээр нь шувуу шаазгай хооллоно. Малаас гарч байгаа бүх зүйл бид нарын эд хөрөнгө шүү дээ. Одоо манай энүүхэн энэ хонхорт 2000ад ямаа байгаа шүү дээ. Хонь ч илүү байх нь байдаг л юм. Ер нь 20 хонь хяргаад 20кг ноосоо 500 төгрөгөөр өгөхөөр их хэцүү байгаа биз дээ. Тэгэхэд 2 ямаа самнаад л 180 мянган төгрөг юм чинь ямааг өсгөхгүй гээд яах билээ.

  3. Энхтайван., В. Бортын гурав дахь ярилцлага. Архангай аймаг, Ихтамир сум. Interview by Содоо and Бумбаяр, n.d. http://zotero.org/groups/4737731/items/F6ZGQUNT.

    Ямаа чинь хонийг бодвол хавар төллөхөд арчилгаатай ихтэй, ишгийг чинь дан гэртээ оруулна. Хонь бол тэгдэггүй шүү дээ.