Annotations - ямаагаа хүнээр самнуулдаг

  1. Цээлхажав, Ариунболд. Өндөр-Улааны айл. Архангай аймаг, Ихтамир сум. Interview by Пагмадулам Мэндмаа, July 26, 2022. http://zotero.org/groups/4737731/items/CLZCCP7U.

    Үгүй ээ, одоо нэгэнт самнаад өгнө гэдэг чинь өөрөө самнаж чадахгүйгээс хойш яршиг одоо тэгээд самнуулахгүй гээд яалтай билээ.

  2. Цээлхажав, Ариунболд. Өндөр-Улааны айл. Архангай аймаг, Ихтамир сум. Interview by Пагмадулам Мэндмаа, July 26, 2022. http://zotero.org/groups/4737731/items/CLZCCP7U.

    Самнаж л байгаа юм чинь урж л таарна шүү дээ. Бид нар ч тэгээд энэ яаж самнасан байна гэж хараад байдаггүй л дээ. Муу самнасан ямааны ноолуур нь хавар ногоо идээд ирэх цагт гараад ирдэг юм. Тэрүүгээр л сайн, муу самнасан нь мэднэ. Муу самнасан, дутуу самнасан, сайн сайн самнасан нь харагдаж л байдаг юм. Бид хоёр чинь хоёулхнаа борлонгуудаа өөрөө нэг маажих гэхээс хавар ямаа самнаад байж чадах ч үгүй. Бөөр, нуруу өвдөхөөс эхлээд зовлонтой шүү дээ.

  3. Дамдинсүрэн, Ариунжаргал. Ямааны биеийн том жижгээс самнах хөлс хамаарна. Архангай аймаг, Ихтамир сум, July 29, 2022. http://zotero.org/groups/4737731/items/LSEARYLQ.

    Ноолуур самнаад, тушааж өгөхөд дээр үеэс хэр өөрчлөгдсөн бэ? Үнэ, арга замын хувьд ч юм уу? Арга замын хувьд бол адилхан. Арга зам гэж самнах процесс хэлээд байна уу? -Тийн. Гэр бүлээрээ самнадаг байсан уу? Эсвэл хүн хөлсөлж самнуулдаг байсан уу? Хүүхдүүд самнадаг байсан уу? Дээр үед бол хүн амьтан хөлсөлж самнуулна гэж байдаггүй байсан. Би бол тэрийг мэддэггүй юм. Дээр үеийн хүмүүс чинь дор хаяж 7, 8н хүүхэдтэй байсан шүү дээ. Одоо бол ганц, хоёрхон хүүхэдтэй учраас туслах хүн байхгүй. Дээр үед бол бид нар ээж, аавдаа туслаад хамт самнадаг байсан. Одоо бид хоёулхнаа байлаа гэхэд хавар хүн хөлсөлж самнуулахаас өр аргагүй.