Annotations - ямаа бэлчээрийг талхалдаггүй

  1. Нарандулам. Хоршоолол баян, ядуугийн ялгааг эрс ихэсгэж байна. Баянхонгор аймаг, Баянговь сум. Interview by Г.Содбаяр, August 4, 2022. http://zotero.org/groups/4737731/items/RSICBTJH.

    Огт оргүй. Бэлчээр талхалдаг мал чинь үндсийг нь ухаж иддэг юм. Адуу бол үндсийг нь цавчиж иддэг. Ямаа болохоор өвсний толгойг сорчилж иддэг мал. Гэхдээ их иддэг байж магадгүй. Тэгээд угийг нь ухаж иднэ гэж байхгүй. Таана гарсан байхад толгойг нь идээд л гүйнэ. Ямаа тэр доор нь байгаа юмыг нь иддэггүй юм, бэлчээр талхалдаг гэж худлаа. Адуу идэш муутай жил ухаж иддэг юм. Тэгээд адуу бэлчээр талхалдаг гэж би боддог юм. Яагаад гэхээр өдөр, шөнөгүй иддэг. Энэ ямаа бол өчигдөр орой авчраад хотлуулсан одоо хүртэл хотондоо л хэвтэж байгаа амьтан. Гэхдээ их олон мал байхаар гишгэчихдэг юм. Тэмээ том тавхайтай болохоор бэлчээр их гишгэдэг. Тэгээд тэмээ, малаас илүү техник байна даа. Одоо малчид залхуураад нөхөн сэргээлт хийхээ байчихсан.

  2. Баттулга, and Саранцэцэг Баасансүрэн. Ноолуур:"Цагаан алт". Архангай аймаг, Ихтамир сум, July 26, 2022. http://zotero.org/groups/4737731/items/ZZA2YIUJ.

    Монголд бэлчээрийг ямаа муудуулаад байгаа гэж үнэн үү? Худлаа. Тэр бэлчээрийн даац бол өвс ургамал аягүй их муу ургаж байгаа шүү дээ одоо. Хоёрдугаарт мал их өссөн ганц ямаа ч биш. Сарлаг гэж нэг аюул байна. Одоо манай энэ рүү оор их орж ирдэг буулгаад л явчихдаг, тэр хурц туурайгаараа бүр хөрсийг нь эргүүлж хаячхаад яваад өгдөг. Тэр нь идэхдээ гол нь биш тэрийг чинь бэлчих, хураах явдалдаа л нураагаад хаячихдаг. Харин ямаа бол хаданд л байдаг мал шүү дээ. Тэрнээс нөгөө айхтар тал дотор газар цавчаад л үндсээр нь сугалаад байгаа юм байхгүй. Ер нь тэгээд уул хаданд л байдаг амьтан.