Annotations - энэ ноолуурын асуудалд төр оролцож болдоггүй бололтой

  1. Нарандулам. Хоршоолол баян, ядуугийн ялгааг эрс ихэсгэж байна. Баянхонгор аймаг, Баянговь сум. Interview by Г.Содбаяр, August 4, 2022. http://zotero.org/groups/4737731/items/RSICBTJH.

    Үнийн дүн бас хэн дуртай газраа ноолуураа өгч, борлуулж байна. Бид нар одоо чөлөөтэй байгаа биз дээ, тэрүүгээрээ өөр. Ардчилал бол муу гарч ирээгүй, сайн гарч ирсэн. Ардчилал сайн гарч ирчхээд одоо яагаад байна гэхээр бид нарын сонгоод байгаа их хурлын гишүүд, томчууд чинь малтай хүмүүсээ аваад явчхаж чадахгүй, ийм хоршоо л байгуулж байх шиг байна. Бид нарын газар доор байгаа баялаг, бидний үр хүүхдэд хоцорч байгаа баялаг, тэнд ажиллаж байгаа хүмүүс, ард иргэддээ илүү гарсан хувьцаа өгнө шүү дээ. Одоо тэр хувьцаа байхгүй болсон. Би фейсбүүк их хардаг юм. Тэгээд хараад байх нь дандаа л дарга нар, том улсууд нь идээд таарсан. Өөрсдөө гадаадын улсуудтай нийлээд авчихаж л байгаа юм байна шүү дээ. Ингэж их аваад байвал дээр үеийн улсуудын хэлдгээр нөгөө нохой шарваач, ноён урваач гэдэг шиг нэг урваад газар нутаг гадаадын улсуудад өгчих юм бол хэцүү юм болно шүү дээ. Та нар энэ талаараа залуу хүмүүс бодвол мэдэх байх. Одоо энэ Занданшатар нутгаа гадаадуудад өгөхөд бэлэн болчихсон гээд фейсбүүкээр яриад байх юм. Арай ч тийм муухай юм хийхгүй байлгүй дээ гэж бодоод л байна. Тийм юм хийвэл монгол гэж байхгүй болно шүү дээ.