Annotations - ургийн овог: бол зарим тохиолдолд зохимол байдаг

Н: Энэ овгоо 1990 оны үед авч байсан. Тэрнээс өмнө арай өөр овогтой байсан. Ордос гэдэг чинь манай аавын хоч нь юм уудаа, түүнээс Ордос биш “Ор тас” гэдэг байсан юм гэнэ билээ. Манай аавд Самбуу сайд тэгж нэр өгч байсан гэсэн. Манайх Сэгсцагаан богдод цэргийн ангийн мал хариулж байсан юм. Манай аав хэлмэрч, олон улсын хэл, газар сайн мэддэг. Тэгээд дээр үеийн эсэргүүн нэртэй. Дилов хутагт хүнийг чинь ийш нь гаргахад түрүүлж явж, 7 хоног хэлэндээ юм тавилгүй, явган туулж Энэтхэгт очиж байсан. Ууг нь тэр Дилов хутагт чинь Улиастайн амбанд байсан юм гэнэ билээ. Манай аав тэндээс бүр багадаа гараад, бараг 30 хүрчхээд иргэж ирсэн чинь нөгөөх нь ярга хийдэг, ажил хийлгүүлдэг, яргалдаг, алдаг газар болчихсон, нөгөө Дилов хутагт хутагт нь байгаагүй юм гэсэн. Тэгээд сураг тавиад явсан чинь Элсний голд оччихсон байж. Ардын хувьсгал гараад, зарим нь хүн алдаг, оростой нийлсэн хэцүү гээд бусад нь сайхан улсууд гэж байдаг ийм цаг үе байсан гэнэ билээ. Манай аав чинь олон газраар тэнэж явсан юм болохоор хэл болгон мэднэ. Гадаадын улсуудаар явж ирсэн улсууд чинь тэр үед дандаа тагнуул эсэргүү болдог үе байсан юм. Тэгж гарч яваад ирсэн хүн чинь нутагтаа ирээд ажиллаж байсан чинь барьж авах гээд байсан. Тэгээд яах вэ дээ өөрөө хэл, газар сайн мэддэг учир Самбуу сайдын итгэлийг олж баруун гар нь болж амь нас нь үлдсэн. Манай аав ная нэлээн гарч, энэ нутагтаа бурхан болсон. Манай ээжийн нутаг л даа. Манай аавын нутаг бол Булган аймгийн Завхан сум, Отгонтэнгэр хайрхны Шилүүстэйн гол гэлүү дээ тэнд төрж өссөн гэж байсан. Тэгээд манай аавын овог болохоор Мэргэд ямрынхан гэлээ дээ тийм овогтой юм билээ. Мэргэд тайж байх аа. Дээр үеийн тайж улсуудыг чинь устгаад дуусгасан юм билээ. Тэгээд тэр тайж гэсэн овгоо нуудаг, дээр үед чинь овог гэж байдаггүй байсан. Манай аавынх бол лам, их том улсуудын ах дүү юм гэсэн. Манай аав чинь айгаад тэр нэрээ авч чадахгүй, 1990 онд овог хэрэгтэй ав гэхээр нь бодож, бодож нэг эрэгтэй, гурван эмэгтэй хүүхэдтэй ач, гуч олуулаа болохоор бас гай болдог юм болуу гээд тэр хочоор нь овоглосон юм. Бид нарын овог бол буруу, гэхдээ яах вэ тэр овгоороо явчихна биз дээ.