Annotations - нутгийн онцлдог: 1937 оноос шашиныг хавчих болсноор хийд сүйдсэн

  1. Б.Элбэгзаяа. Амарбуянтын хүрээний түүх. Баянхонгор аймаг, Шинэжинст сум. Interview by Сайнбуян Мижид, August 6, 2022. http://zotero.org/groups/4737731/items/W9FV7HBQ.

    1990 онд, би 8 төгсөж байсан юм. Тэгэхэд л энд цуглаж байсан л даа. Цогчин хурал гээд өдөр тутмын хурлыг хэлдэг дээ, тэр хурлаа сэргээгээд бүх лам нар, хөгшчүүд маань цуглаад их сайхан баяр болсон доо. Одоо шашин ном эргэж сэргэнэ гэдэг бурхны шашны номын мөр хөөсөн хүмүүсийн том сайхан баяр байлгүй яах вэ дээ. Тэр болтол лам нар тэр 1937 онд хэлмэгдсэн хийдийнхээ хамаг гол шүтээн, сахиуснуудыг ерөнхийдөө нууж авч үлдсэн. Заримыг нь энэ (Үнэн-Ус гээд) Говь-Алтай аймгийн Дэлгэр сум хойшоо байгаа. Энэ хийдийг чинь ийш нь тараагаад нүүлгэлээ шүү дээ. Хязгаар газар болохоор ийм бөглүү, шашин ном тарж өгөхгүй байгаад байна. Хүмүүс юмандаа хоргодоод байна шүү дээ. Тэгэнгүүт төв рүү нүүлгээд, хэд хэдэн удаа буурь сэлгэсэн. Энэ Баянцагааны нутагт бас аваачсан байдаг. Тэгээд ерөнхийдөө нутгаасаа гаргаад л энэ хийдийг үгүй хийсэн. Гол, гол сахиус, шүтээнүүдийг бол манай энэ том лам маань залуу үеийнхэндээ ингэж үлдээж чадсан.