Annotations - ноолуурын орлого: банк зээлд зарцуулдаг

  1. Жанчив-Эрдэнэ, Ювуу. Цагаан идээ борлуулдаггүй айл. Баянхонгор аймаг, Баянговь сум. Interview by Зулбаатар, n.d. http://zotero.org/groups/4737731/items/6U825I9R.

    Хөдөөгийн бид нар чинь урьдчилаад банкны зээл аваад байдаг. Ноолуураас 5-6 сая төгрөг бариад тэрийгээ өрөндөө өгөөд л болдог. Өргүй шиг явж байвал буцаад малчны зээлээ авдаг.

  2. Нарандулам. Хоршоолол баян, ядуугийн ялгааг эрс ихэсгэж байна. Баянхонгор аймаг, Баянговь сум. Interview by Г.Содбаяр, August 4, 2022. http://zotero.org/groups/4737731/items/RSICBTJH.

    Энэ жил би ноолуураа аваагүй ээ, өөрөө хүүхдэдээ өгсөн. Яг энэ ямааны ноолуур 5 сая төгрөг болсон. Манай бэр хүүхэд ажил хийж яваад цалингийн зээл авсан байсан, зээлийг нь дарж өгсөн. Зээлийн хүү гээд 2 сая төгрөг бас дутуу байгаа. Тэрийг нь 8 сард идээгээ борлуулаад болчих болов уу гэсэн тэд нар идээгээ борлуулж чадсангүй, одоо хүртэл байж л байна. Болох байлгүй дээ. Малын ашиг шим ер нь сайн шүү, сайн гардаг. Би чинь зургаан хүүхэдтэй хүн. Хамгийн том нь энэ надтай цуг чавганц болоод байж байгаа. Хоёр охин сумын төв дээр ажил хийдэг юм. Нэг нь амралтаараа идээгээ борлуулж авдаг юм. Өглөө ямаа саачхаад явдаг юм. Оройд ямааг нь алдчихгүйхэн шиг байж байвал саадаг юм. Алдвал шөнө орой явж тууж ирдэг юм.

  3. Ц. Батцэнгэл, Н. Мөнхгэрэл. Баянлигийн отрын айл. Баянхонгор аймаг, Баянговь сум. Interview by Пагмадулам Мэндмаа, August 3, 2022. http://zotero.org/groups/4737731/items/GMAG6J3G.

    Ер нь бараг бэлнээр нь өгнө. Гэхдээ ихэнх малчид банкны зээл их авдаг. Тэгээд ноолуурынхаа мөнгийг банкны зээлд өгдөг.