Annotations - малчдын намтар

  1. Энхтайван., В. Бортын гурав дахь ярилцлага. Архангай аймаг, Ихтамир сум. Interview by Содоо and Бумбаяр, n.d. http://zotero.org/groups/4737731/items/F6ZGQUNT.

    Бортын 3 дах ярилцлага. Энхтайван - Та өөрийгөө бид хоёрт танилцуулаад өгөөч? Энэ нутгийн хүн үү? - Ванданшаравын Энхтайван гэдэг. Архангай аймгийн Ихтамир сумд төрсөн эндхийн хүн. Бүрэн дунд боловсролтой. Мал дээр гараад 13 жил л болж байна даа. - Та хэдэн онд төрсөн бэ? - 1987 онд төрсөн. - Та өөр ажил мэргэжил эзэмшсэн үү? - Тогооч мэргэжилтэй. - Та мэргэжлээрээ ажиллаж байсан уу? - Ажиллаж байсан. Хүнсний технологич мэргэжилтэй. - Та одоо мэргэжлээрээ ажилдаг юм уу? - Одоо үгүй ээ, хөдөө байгаа болохоор малаа л харж байна. Нэг хэсэг Дарханд ажиллаж байсан. Одоо бол бид хоёр малтай л үзээд байна шүү дээ. - Та энэ нутагтаа хэр удаан амьдарч байгаа юм вэ? - 10 гаруй жил амьдарч байна. - Та өөр газар мал маллаж байсан уу? - Үгүй ээ, эндээ л байсан.

  2. Балжинням, Товуу. Ченжийн ээж. Архангай аймаг, Ихтамир сум. Interview by Мижид Сайнбуян, July 26, 2022. http://zotero.org/groups/4737731/items/L2JMVVXH.

    -Энэ нутагт та хэдэн оноос мал маллаж эхэлсэн бэ? Би 1976 онд айл гэр болсон. Тэгээд 1976 оноос фремдээ саальчин болоод үнээ саадаг байсан. Тэгээд 1992 онд хувьчлагдсан. Тэрнээс хойш хувийнхаа малыг маллаад л байж байна даа. -Танайх чинь ямар нэртэй ферм байсан бэ? Манайх чинь үхрийн ферм ш дээ. -Ферм нь хаагуур байсан бэ? Энэ Жаргалантын амандаа байдаг байлаа. Одоогийн багийн дарга Эркагийн энэ хавиар манайхны ферм байдаг байсан. Тэр үед чинь манай Тамирт идээний үйлдвэр гэж байдаг байсан. Өглөө, оройдоо сүүний машин ирж сүүгээ авдаг байсан. Тэгээд 1992 оноос хувьдаа гараад хувийнхаа малтай хүүхдүүдтэйгээ тэгээд л байж байна даа. Нэгдлийн мал аж ахуй тэр дотор ферм гэдэг чинь байсан. Идээнийхээ үйлдвэрт сүүгээ тушаадаг. -Та мал маллахаас өөр ажил хийж байсан уу? За үгүй дээ. 8-р ангиа төгсөөд мал малласан даа.

  3. Балжинням, Товуу. Ченжийн ээж. Архангай аймаг, Ихтамир сум. Interview by Мижид Сайнбуян, July 26, 2022. http://zotero.org/groups/4737731/items/L2JMVVXH.

    -Танай энэ нутаглаж байгаа нутаг ямар нэртэй вэ? Жаргалант гэдэг газар. Борт багийн харьяа нутаг. Манайх 3 хүүтэй. Том хүүгийнх энд байгаа. Дунд хүүг маань Бөхбат гэдэг. Ховд руу Баруун бүсийн их наадамд явсан. 2 хүү маань малчин, нэг хүү маань бизнес эрхэлдэг, биеийн тамирын дээд сургууль төгссөн.

  4. Балжинням, Товуу. Ченжийн ээж. Архангай аймаг, Ихтамир сум. Interview by Мижид Сайнбуян, July 26, 2022. http://zotero.org/groups/4737731/items/L2JMVVXH.

    Архангай аймаг Их Тамир сум Нэр: Балжинням Товуу Нас: 73 Залуу насандаа саальчин байсан. Манай өвгөн чинь адуучин байсан. Одоо тэтгэвэртээ гарсан.