Annotations - бэлчээрээс болж малчид муудалцаж байна.

би болиулах гэж багийн даргатаа хэлдэг. Нэг хэсэг бэлчээр өмчлөх гэсэн. Тэр бол хамгийн буруу. Монгол улс хоорондоо дайсагналцаад дуусна. Өвөлжөө, хаваржааны га хүрэхгүй газарт гэрчилгээ өгсний төлөө бөөн зодоон болж байгаа юм чинь. Уг нь эндээс зам даваад мал бэлчих нь бид нарын дурын асуудал байхгүй юу. Тэгэхэд чинь бүр цаана нь өвөлжөө нь байхад зам давуулж малаа бэлчээлээ гэх ийм хэрүүл сүүлийн үед их гарч байна. Газар бол өмчлөх хэрэггүй. Залуу малчид хөдөө их цөөхөн болоод байна гэдэг бол энэний л асуудал байх. Гэр бүл болоод нэг жил болоогүй аав, ээж нь 100 мал тастаад өгдөг. Нэг хонхорт ирээд хашаа барихад настай ч юм уу, арвин малтай хүн ард нь байх юм бол чи энд байр барих ёсгүй гээд хөөгөөд явуулчихдаг. Ахиад л нэг газар очоод хөөгдөөд, ахиад л хөөгдөөд байвал тэр залуу малчид чинь шантарна биз дээ. Газар нутаг олдохгүй юм чинь би энэ хэдэн малыг яах вэ гээд зараад л хот руу орж байгаа юм. Зарим нэг нь бол хоосон хонохгүй л явж байдаг, зарим нэг нь амьдралгүй болж байна шүү дээ. Би бол энийг залуу малчдаа авч үзэхгүй байгаагийн үр дүн гэж бодож байна. Дээрээс нь газар нутгийн өвөлжөө, хаваржааны энэ гэрчилгээг болиулмаар санагдаж байгаа юм. Энэ ч одоо дээр үеэсээ нэг жалганд 2, 3н өвөлжөөтэй айлууд болоод л байсан. Харин одоо нэг жалганд нэг айл байна. Тэр айл нь 500, 600 малтай байлаа. 50 малтай айл өрх толгойлох гээд явж байгаа залуу гэр бүлийг чи цөөхөн малтай юм чинь тийшээ очиж буухгүй юу гээд хөөгөөд явуулчихдаг. Тийм асуудал маш их байна. Энэ бол хүний эрхийг их зөрчиж байгаа асуудал.