Note

Эднийх энэ жил 200 орчим ямаа самнаж 5 орчим сая төгрөг олсон. Жилийн нийт орлогын 60%-ийг ямааны ноолуураас олдог. Цөөн ямаатай учир хоршоонд орж чадаагүй. “Цагаан-Ямаат” хоршоо дандаа олон ямаатай айлуудын ноолуурыг өндөр үнээр адваг учир сэтгэл дундуур байдаг. Мал ихтэй баян хүмүүсийг дэмжиж, ядуу хүмүүст улам хүнд тусч байгаа учир нэг талаар хоршоо баян ядуугийн ялгааг улам ихэсгэж байна гэж эмээ хардаг. Хамгийн гол нь цөөн малтай, орлого багатай айлуудыг хоршооноос харж үзэх хэрэгтэй. Ноолуураа ченжид бага үнээр өгөх, тэжээл бордоо үнэтэй учир хүндрэлтэй байдаг. Зуд болоход ч хоршооноос хоршооны айлуудаа дэмждэг учир мал багатай айлд мөн хүнд тусдаг. Ченжүүд ноолуурыг хялгас, тоос шороогоор нь ялгаж авдаг.

Эндхийн айлууд ноолуур өндөр үнэтэй учир ямаа голлон өсгөдөг.

Ямаа өвсний толгойг сорчилж иддэг. Өвсний толгойг түүж, гүйж иддэг учир бэлчээр талхалдаггүй гэж боддог. Харин их олон мал болон том тавагтай тэмээ зэрэг амьтад бэлчээр талхалдаг. Мөн адуу идэш муутай жил өвсний үндэс ухаж иддэг.