Note

Эднийх жилд 800-900 ямаанаас 400-500кг ноолуур авдаг ба 60 орчим сая төгрөг болдог. Нэг ямаанаас 450-500гр ноолуур гардаг. “Цагаан-Ямаат” хоршоонд ноолуураа өгдөг. Хоршоонд ноолуураа өгөхийн давуу тал бол ханш унахгүй, мал эмнэлэгтэй, зээл өгдөг, тусламж дэмжлэг үзүүлэхдээ сайн. Цагаан сараар хоршооноос 1 сая төгрөгийн урамшуулал, тавгийн идээ, чихэр, баг болгоноос 1 айлд ноолууран өмд, цамц зэргийг өгдөг. Энэ сумад хоршоо байгуулагдаад 10 жил болж байгаа ба эднийх хоршоонд ороод 2 жил болж байгаа айл юм.

Хоршоонд орох шалгуур: Ямааны нийт бүтцийн 80-90%-ийг цагаан ямаа эзлэсэн байх. 200-аас дээш ямаатай байх.

Хоршооноос ноолуурыг авахдаа 3 төрлөөр ангилна.

• микрон өндөртэй нарийн цагаан-залуу ямаанаас
• бүдүүн цагаан- эр ямаанаас
• бараан өнгийн-улаан, хар ямаанаас гарна.

Ямаагаа 5 сарын 1-нээс цаг агаарын байдал харж самнаж эхэлдэг.

Говь газар ямаа бэлчээр талхлах нь гайгүй ба ямаа маллахад хамгийн тохиромжтой. Говь бутлаг ургамалтай, шорвог идэштэй учраас ямаа, тэмээнд хамгийн их зохимжтой байдаг. Дээр үеэсээ энэ нутагт ямааг хамгийн их өсгөдөг байсан.

Ноолууран хувцсыг гоёлд л өмсдөг ба өдөр тутамдаа өмсөхөд тохиромжгүй.

Ямааны ноолуур өндөр үнэтэй биш бол махны чиглэлээр л өсгөх бодолтой.