шашины боловсрол: байгаль шинжих арга ухаан

Манай энд 14 дацантай байсан гэдэг байх. Мамба дацан бол одоо байсан л байх даа. Тэгээд зурхайн дацан гэж байсан. Энэ зурхайгаараа их алдартай. Манай энэ хийдийн лам нар бид нарын ах дүү, аавын талын өвөг дээдэс бол дандаа том зурхайчид Радунсүх, Жажинсүрэн гээд дурсгалд нь зориулаад энд маанийн хүрд бүтээсэн. Тэгээд энэ хийдийн зурхай ч нар нь алдартай, өөрсдөө лит зохиож хийнэ. Календарь гэсэн үг. Одоо нөгөө билгийн тооллын календарь байна даа, тэрийг чинь зөвхөн Тэрбиш багш зохиодог юм биш. Газар газрынх нь том лам нар тэгээд зурхайч нар нь адилхан л бичдэг байсан байна л даа. Бид нар мартсан байсан болохоор зөвхөн Тэрбиш багш мэддэг гэж ойлгоод байдаг. Тэгтэл энэ хийдийн лам нар одоо хүртэл цаг тооны бичгээ гаргачихна. Тэгэхээр ер нь л оюунлаг талдаа. Далай лам морилж ирээд энд 7 хоносон гэж байгаа. Далай лам чинь Төвөдөөс шууд ирж байна шүү дээ.