цаг агаарын байдлаас мал өсөж, хорогддог

За ёстой ам, амаараа (газар, газраараа) өөр шүү дээ. Манай энэ амыг Жаргалантын ам гэдэг юм. Энэ ам нарийн өвс сайтай учраас бог малдаа илүү сайн. Доошоо уруудаад бод малдаа сайн гэдэг. Аль, аль нь сайхан өсөөд яваад байдаг юм. Бид хоёр 2000 онд малжуулах төсөл авч үзсэн, Мерсикор гэж олон улсын байгууллагаас 2008 онд төсөлд хамрагдаад 5 сая төгрөгийн хүүгүй 2 жилийн хугацаатай зээл авсан. Тэрээрээ 20 гаран үнээ авсан чинь 2009 онд зуднаар хэдэн үнээгээ алдчихсан. Тэгээд сар болгоныхоо төлбөрийг өсөж байсан хонь, ямаагаараа хийсээр 2011 он гэхэд бид хоёр өрөө ч дарсан, мал гэх юмгүй үлдэж байсан.