хүүгээ тусад нь гаргахад ах дүү нэр болон ажлын газар гол усаараа дэмжиж тусалдаг байна.

Машин дээрээсээ баахан юм буулгаад хүүгийн гэрлүү оруулаад байна. Тэгээд орж харсан чинь 2 авдар архи гээд бүх зүйлийг бэлдээд ирчихсэн. Цомхон найр хийчихье гэсэн чинь хүний хүнийг авч байж тэгж болохгүй гээд хүмүүс явуулаад, таваг идээгээ заслаа. Дээр үеийн ногоон бүдүүн спирт 5,6 аваад ирж, том шилтэй архи 2,3 аваад ирчихсэн байхаар чинь би бөөн баяр боллоо. Найр болоод нөгөө архиныхан шил сулдахаар нөгөө цэвэр спиртээ найруулж гүйгээд бөөн инээдэм боллоо. Тэгээд нөгөө хүмүүсийг шахаад бүгд тас тас болж билээ. Тэгэхэд чинь манай гадаа тэр машин тэрэг, морь багширчихсан, Регзин гээд лам хүү байсан тэрийг авчирч ном уншууулаад найр хурим ч боллоо, миний ах эгч 2 чинь ёстой нүүрний буянтай юмаа гэж ярьж байж билээ. Энэ Тамирын төвд их сайхан хурим хийвээ гээд уйлж байж билээ. Ингэж л анхны хүүхдийн хурим хийж билээ. Манай энэ бүрлээч чинь тамхи татаад дуугай суугаад байдаг номхон, дөлгөөн хүн байсан. Манайх чинь хүүхдүүд гэр бүрж, эхнэр авч өгөх болоогүй гэхээр авгай л мэдэх байх даа гэдэг хүн байсан.