самнах: аль болох цэвэр самнахыг боддог.

-Тэгэхээр түрүүний таны ярьсан шиг эндээ цэвэр цэмцгэр самнаад авч очвол хүссэн үнээрээ ноолуураа өгөх боломжтой гэсэн үг үү? Тийн. Тэгвэл сэтгэл ханамж нь 100% байна биз дээ. Миний хувьд шороотой байвал гараараа гөвөөд л аль болох цэвэрхэн самнах гэж хичээдэг. Хэрвээ ноолуур нь шороо тоостой байвал дараагийн шатны байгууллагууд нь малчид заваан, бохир гээд л бүх зүйл малчдын буруу болдог. Хэрвээ тийм бол өөрсдөө самнах хүмүүсээ авч ирээд, самнаад авахыг үгүйсгэхгүй шүү дээ. Тэгэхгүй бол бид нараас авахаар ноолуур нь бохир байсан гэх мэт яриа гарах магадлалтай. Жишээ нь би аймагт 30 орчим кг ноолуур тушаагаад мөнгөө дансандаа хийчхээд явж байсан чинь ардаас ченж залгаад чиний ноолуур дотор 500 гр чулуу байна гээд. Очоод үзсэн чинь шал өөр шуудайг чинийх гэж дайрч байсан. Тэр чулууг мөнгөөр тооцоход 70 мянга орчим төгрөг болж байгаа юм. Би 70 мянган төгрөгөөс болж өөрийнхөө нэр хүндийг унагамааргүй байгаа байхгүй юу.