малчид: жил ирэх тусам ёс заншил өөрчлөгдөж байна. нүүдлийн бараанаар цай хоол хийгээд ирдэг байсан. одоо тэгэхээ больжээ

Тэгэхээр бэлчээрт нь ямар нэгэн асуудал байдаггүй юм байх даа. - Бэлчээрийн асуудал гэхээр манай хангай газар гайгүй болохоор нээх нүүе гэж боддоггүй байх л даа. Зарим нь өвөлжөөнөөсөө жижигхэн гараад л буучихдаг, эргээд өвөлжөөндөө орчихдог тийм байдалтай байдаг. Тэгээд хуучны хүмүүс нь ховордоод ирэхээр соёл нь улам алдагдаад байдаг юм болов уу гэж бодогдоод байдаг. Намайг анх энд бэр болоод ирж байхад, манай энэ урд талын айлд нэг эгч байдаг байсан. Тэр зайлуул нүүгээд ирэхээр хоол хийгээд, тос холиод л тавагтай идээгээ бариад хүрээд ирдэг байж билээ. Одоо тэр хүн байхгүй болсон болохоор өөр тэгдэг хүн манай энд лав байхгүй. Хүнээсээ бас шалтгаалдаг байх. Залуучууд нээх тэгээд яваад байхгүй.