каранист мэрэгжилтэй малчин

-Таны ургийн овог? Няруун. -Таны овог, нэр? Цээлхажавын Ариунболд -Хэдэн онд төрсөн бэ? 1969 оны тахиа жилтэй. -Энэ нутгийн уугуул уу? Өндөр Улаан сумын Донгой багийн уугуул. Манайхаас тийш явахаар Их тамир сум, энэ голоос доошоо Өндөр Улаан. Би Өндөр Улаан сумын хамгийн зах нь. -Хэдэн онд ямар сургууль төгсөж, ямар мэргэжил эзэмшсэнээ ярвал? 1987 онд 10р ангиа төгсөөд 1988 онд Казакстаны нутагт хөдөө аж ахуйн яамны ТМС яваад. Тэр үед өөрчлөн байгуулалт эхэлж байсан. Хоорондоо их хагаралдаж байсан. Бид нарыг яах вэ өөрсөдтэй нь төстэй болохоор гайгүй байсан байх. Оросоор ярихаар өмнөөс казахаар яриад байдаг байсан. Яг л бослого гарч байсан үе. Тэгээд энэ Алматаараа нийслэл хийгээд салж байсан. Тэгээд 1989 онд төгсөж ирээд хөдөө аж ахуйн нэгдэлд Их тамир сумын Гэрэлт зам нэгдэл дундын үйлдвэр гэдэгт ажиллаж байсан. Тэнд автограмист гэж дагалдан хийж байлаа. -Тэр нь яг ямар ажил хийнэ гэсэн үг вэ? Дөнгөж сургууль төгссөн болохоор бид нарыг кран дээр нь шууд гаргадаггүй байлаа шүү дээ. Эхлээд дагалдан хийнэ. Тэгээд 2 сар гаран дагалдан хийж байсан.