ажлын гараагаар цагаан идээний үйлдвэрлэлээс эхлэсэн

Бид 2 Тамирын төв дээр гэрлээд, цагаан идээний үйлдвэр гэж байсан. Тэнд манай өвгөн сүүний тэрэг барьдаг байсан. Мөн нэрэх цех гэж байсан. Тэнд тогоо нэрээд архи гаргадаг идээний үйлдвэрт ажиллаж байлаа. Цагаан идээний ажил чинь улирлын чанартай 4-11 сар хүртэл ажилладаг байсан. Тэгээд улирлынх болохоороо жоохон хэцүү, өвөл нь ажилгүй болчихдог. Тэгээд ахуй үйлчилгээний газар 8 жил ажиллаад, дахиад идээний үйлдвэртээ орж 2 жил ажиллаад, тэгээд 1991 онд нэгдэл хувьчлагдаад хөдөө гарсан. Манайх чинь 7 хүү, 2 охинтой. Хүүхдүүд манайд 2, 3 нь 8 анги төгсөөд, хөдөө гарсантай холбоотойгоор малчин болсон.